Հայաստանի Մ-19 կանանց հավաքականի մրցակիցները հայտնի են

Նոյեմբերի 13-ին ՈՒԵՖԱ-ի գրասենյակում տեղի ունեցավ 2017թ. Եվրոպայի մինչև 19 տարեկանների կանանց առաջնության որակավորման փուլի վիճակահանությունը: Հայաստանի մինչև 19 տարեկանների կանանց հավաքականն ընդգրկվեց առաջին խմբում, որտեղ կմրցի Լեհաստանի, Նորվեգիայի և Ռումինիայի թիմերի հետ: Ընտրական մրցաշարը կկայանա Լեհաստանում: Հանդիպումները նախատեսված է անցկացնել 2017թ. սեպտեմբերի 15-ին, 17-ին և 20-ին: Այս մասին տեղեկացնում է ՀՖՖ-ի պաշտոնական կայքը: