Ռուսաստան-Պորտուգալիա հանդիպում կսկսվի լռության րոպեով և անվտանգությունը կապահովի 600 ոստիկան

Ռուսաստան-Պորտուգալիա ընկերական հանդիպումը կմեկնարկի մեկ րոպե լռությամբ, որպես հարգանքի տուրք Փարիզում տեղի ունեցած ահաբեկչության զոհերին: 

Հանդիպմանը ֆուտբոլիստները դաշտ դուրս կգան սև թևկապներով: Ինչպես հայտնել է «Կուբան» մարզադաշտի տնօրեն Վլադիմիր Լագոյդան̀ անվտանգության վերահսկումն ավելի կուժեղավի: Փարիզում տեղի ունեցած ահաբեկչության  հետ պայմանավորված անվտանգության աշխատակիցների թիվը ավելացվել է 150-ով և խաղին կաշխատի 600 ոստիկան: Տեղեկացնում է sovsport-ը:

ՈւԵՖԱ-ի հովանու ներքո հանդես եկող հավաքականների առաջիկա բոլոր խաղերը կսկսվեն մեկ րոպե լռությամբ:

Հավելենք, որ հանդիպումը տեղի կունենա այսօր Երևանի ժամանկով 18:07-ին: