Հայաստանի հավաքականը հաղթանակով ավարտեց ելույթները Եվրոպայի թիմային առաջնությունում

Իսլանդիայի մայրաքաղաք Ռեյկյավիկում ավարտին մոտեցող շախմատի Եվրոպայի թիմային առաջնության վերջին՝ 9-րդ տուրում Հայաստանի տղամարդկանց հավաքականը` 3:1 հաշվով, հաղթեց Վրաստանի թիմին:

Լևոն Արոնյանն ու Սերգեյ Մովսեսյանը հաղթանակ տոնեցին, Գաբրիել Սարգսյանն ու Հրանտ Մելքումյանը ոչ-ոքի ավարտեցին իրենց պարտիաները:

Մրցաշարի հաղթող դարձավ Ռուսաստանի ընտրանին, որը 2:2 հաշվով ավարտեց վերջին տուրի հանդիպումը:

Հայաստանի ընտրանին իր ակտիվում ունի 13 միավոր: