Գիտեմ՝ ինչպես ֆուտբոլն ավելի հայտնի դարձնել և ազատել կոռոպցիայից. ՖԻԴԵ-ի նախագահը՝ ՖԻՖԱ-ի նախագահի պաշտոնի հավակնությունների մասին

Այո, ես չհամարձակվեցի հիմա գնալ ընտրության, սակայն ով գիտե՝ ինչ տեղի կունենա ապագայում: Այս մասին հայտարարել է Շախմատի միջազգային ֆեդերացիայի նախագահ Կիրսան Իլյումժինովը՝ հավելելով, որ բոլոր իրավական հիմքերն ունի ՖԻՖԱ-ի նախագահ առաջադրվելու համար:

«Ինչո՞ւ չառաջադրել թեկնածությունս ՖԻՖԱ-ի նախագահի պաշտոնում: Չէ՞ որ ես կարողացա շախմատը վեր բարձրացնել զրոյից, հասնել այդպիսի արդյունքների, ստեղծել նոր համակարգ: Ես ոչնչից ստեղծեցի «Ուրալանը»: Երկրի համար աճեցրի հավաքականի ավագ Ալեքսեյ Սմերտինին և մի շարք այլ հիանալի խաղացողների: Կարծում եմ՝ իմ ժամանակը դեռ կգա: Սովոր եմ ամեն ինչում մինչև վերջ գգնալ: Այո, ես չհամարձակվեցի հիմա գնալ ընտրության, սակայն ով գիտե՝ ինչ տեղի կունենա ապագայում: Մինչ հիմա աշխատում եմ ֆուտբոլի ոլորտում՝ «Անժիի», հունական ՊԱՕԿ-ի տնօրենների խորհրդում եմ: Ֆուտբոլային ակումբի նախագահի աշխատանքի փորձ ունեմ: Այսինքն՝ ունեմ բոլոր իրավական հիմքերը ՖԻՖԱ-ի նախագահ առաջադրվելու համար: Եվ տեսնում եմ, թե ինչպես ֆուտբոլն ավելի հայտնի կարելի է դարձնել և կառույցն ազատել կոռոպցիայից, ինչպես այդ արեցին ՖԻԴԵ-ում»,- Իլյումժինովի խոսքը մեջբերում է Спорт-Экспресс-ը: