Թոմաս Մյուլերի ռեկորդը՝ Չեմպիոնների լիգայում (լուսանկար)

Չեմպիոնների լիգայի խմբային փուլի 5-րդ տուրում «Օլիմպիակոսի» նկատմամբ 0:4 հաշվով հաղթանակը Մյունխենի «Բավարիայի» ֆուտբոլիստ Թոմաս Մյուլերի համար դարձավ ռեկորդային:

26-ամյա Մյուլերը դարձավ մրցաշարի ամենաերիտասարդ ֆուտբոլիստը, ով հաղթել է այս լիգայի 50 խաղում:

Մրցաշարի նախորդ ռեկորդը պատկանում է Ռաուլին, որ Չեմպիոնների լիգայում 50-րդ հաղթանակը տոնել է 26 տարեկան 257 օրականում: Մյուլերը 50-րդ հաղթանակի պահին 26 տարեկան 72 օրական էր: