«Հայ կանանց ուխտ»-ն ասում է՝ «ՈՉ»

ԼՈՒՐԵՐ.com-ը զրուցեց «Հայկանդուխտ» ավանդապաշտ ժողովրդավարական կուսակցության հիմնադիր նախագահ Արմենուհի Ղազարյանի հետ՝ ճշտելու, թե կուսակցությունն ինչպիսի դիրքորոշում ունի դեկտեմբերի 6-ի սահմանադրական բարեփոխումների հանրաքվեի վերաբերյալ:

««Հայկանդուխտ» ավանդապաշտ ժողովրդավարական կուսակցությունը մաս է կազմում «Հայկական վերածնունդ» քաղաքական հասարակական միավորմանը: Մենք մասնակցելու ենք հանրաքվեին և ասելու ենք՝ «Ոչ»: Հանրահավաքային ձևով չենք պայքարելու, բայց «Հայկական վերածնունդ» քաղաքական հասարակական միավորման հետ և մեր «Ոչ»-ը քարոզում ենք մեր շտաբի միջոցով»,- ասաց նա:

Ի դեպ, «Հայկանդուխտ» ավանդապաշտ ժողովրդավարական կուսակցությունը գործում է 1994-ի փետրվարի 21-ից: Կուսակցությունն ունի շուրջ 3850 անդամ:

Կուսակցության անվանումն ունի իր գաղափարը: Ըստ կուսակցության ղեկավարի՝ «Հայկանդուխտ»-ը հայ կանանց ուխտն է, կուսակցության անվան հիմքում կա Րաֆֆիի հերոսներից Հայկանդուխտի անունը, ում գլխավորությամբ էլ հայ կանայք ժամանակին ժայռերի ծերպերից կախել են թուրք տղամարդկանց՝ նրանց վրա ջուր լցրել, և այդպիսով, վրեժ լուծել:

Գայանե Համբարձումյան