Կանիբալների հեղափոխություն կամ՝ ուտեմ քեզ

Մի փոքր էլ հումոր. երեկվա հանրահավաքի ժամանակ Ժիրայր Սէֆիլյանն իր ելույթում խոսելով Ազատության հրապարակում օրերով մնալու՝ իրենց պատրաստակամության մասին՝ ասել է, թե «մեզ ուտելիք պետք չի, մենք իրարով ենք սնվելու»: Հիմա մի պահ պատկերացրեք, թե եթե կորցնենք հումորի զգացողությունը և ամեն ինչ ընկալենք բառացի՝ ինչպե՞ս կմեկնաբանենք Սէֆիլյանի ասածը: Դուրս կգա, որ «Նոր Հայաստանի» պլանավորած հեղափոխությունը գունավոր հեղափոխություն չէ, նարնջագույն հեղափոխություն չէ, նույնիսկ՝ վարդերի հեղափոխություն չէ, այլ ամբողջովին յուրահատուկ մի բան է՝ կանիբալների հեղափոխություն: Սրան էլ եթե գումարենք «Մահ ռեժիմին» կոչերը, կմնա միայն հասկանալ, թե ով ում պետք է ուտի:

Մնում է, որ հանրահավաքի մասնակիցներն իրենց կարգախոսներին ավելացնեն ևս մեկը՝ «Ուտեմ քեզ» կարգախոսը, և ամեն ինչ կգա իր տեղը:

Կարեն Վարդանյան