«Ռեալը» կարող է հեռացվել Իսպանիայի գավաթի խաղարկությունից (տեսանյութ)

Իսպանիայի գավաթի խաղարկության 1/16 եզրափակչում Մադրիդի «Ռեալը» 3:1 հաշվով հաղթել է «Կադիսին», սակայն կարող է հեռացվել գավաթի խաղարկությունից՝ Դենիս Չերիշևին դաշտ դուրս բերելու համար:

Ֆուտբոլիստը պետք է հանդիպումը բաց թողներ որակազրկման պատճառով, քանի որ մրցաշարի վերջին խաղում (կիսաեզրափակիչ պատասխան խաղը «Բարսելոնայի» դեմ՝ 2014/15) ստացել է իր երրորդ դեղինը և, ըստ կանոնակարգի, պետք է հաջորդ հանդիպումը բաց թողներ:

Հավելենք, որ Չերիշևը դեղինը ստացել է «Վիլյառեալում» վարձավճարով հանդես գալու ընթացքում:

«Կադիսի» նախագահը հայտարարել է. «Ակումբը պաշտոնական բողոք կներկայացնի՝ «Ռեալին» Իսպանիայի գավաթի խաղարկությունից հեռացնելու համար՝ Չերիշևի մասնակցության պատճառով»,- ակումբի նախագահի խոսքը մեջբերում է AS-ը:

Հավելենք, որ հանդիպմանը Չերիշևը դարձել է գոլի հեղինակ: