70 տարի միասին. 98-ամյա ամուսնական զույգը վերարտադրել է իր հարսանիքը (լուսանկարներ)

Չինաստանում բնակվող տարեց ամուսնական զույգը` Ցաո Յուեհուան և Վան Դեյին, որոշել են 70 տարի անց կրկնել իր հարսանիքը: Այս հարցում ամուսիններին օգնել են իրենց զավակները: «Հարսն ու փեսան» ներկայացել են նույնպիսի ճերմակ զգեստով, քողով, ծաղկեփնջով ու կոստյումով, ինչպիսին ունեցել են 70 տարի առաջ:

70 տարի անց զույգը վերադարձել է այն նույն այգին, որտեղ 1945թ. արվել են նրանց կյանքի ամենակարևոր պահերի լուսանկարները:

«Կարևորն իրար մասին մտածելն ու հոգ տանելն է»,- ասել է 98-ամյա «փեսացուն»:

Իսկ «հարսնացուն» փափագում է 100-ամյակը լրանալուց հետո ամուսնու հետ կրկին նույն այգին վերադառնալ: