«Ժողովուրդ». Վիգեն Սարգսյանի ունեցվածքը. ինչո՞ւ երիտասարդ գործիչը դարձավ իշխանական վերնախավի սիրելին

«Ժողովուրդ» օրաթերթը գրում է.

«ՀՀ նախագահի աշխատակազմի ղեկավար Վիգեն Սարգսյանը, որն ընդամենը 40 տարեկան է, իր աշխատանքային գործունեության ողջ ընթացքում եղել է պետական կառավարման համակարգի ծառայող: Սակայն դա նրան չի խանգարել, որպեսզի պետական մի քանի հարյուր հազար դրամ աշխատավարձով կարողանա 15 մլն դրամ, 80 հազար դոլար և 2 հազար եվրո դրամական միջոց կուտակել: Այդ տվյալները նշված են նրա պաշտոնական հայտարարագրում:

Դժվար է ասել, թե Վիգեն Սարգսյանը վերջին տարիներին ինչու հատկապես դարձավ իշխանական վերնախավի սիրելին. գուցե այն պատճառով, որ նա և՞ս սկսեց պետական պաշտոն զբաղեցնելով՝ հարստանալ, թե՞ ԱՄՆ-ի հետ ունեցած նրա կապերն են այդ «վստահության» պատճառը:

Հիշեցնենք, որ տարիներ առաջ Վիգեն Սարգսյանի անվան շուրջ մամուլում սկանդալային հրապարակումներ տարածվեցին, որոնցում ակնարկվում էր Սարգսյանի և ամերիկյան հատուկ ծառայությունների «փոխադարձ սիրո» մասին»: 

Մանրամասն՝ թերթի այսօրվա համարում