Կահիրեի գիշերային ակումբում հրդեհի զոհերի թիվը հասել է 18-ի. ԶԼՄ-ներ

Կահիրեում՝ Ագուզա թաղամասում գտնվող գիշերային ակումբի վրա հրկիզիչ խառնուրդով շշեր են նետել: Հարձակման հետևանքով զոհվել է 18 մարդ, ևս հինգը՝ վիրավորվել, տեղեկացնում է lifenews-ը:

Զոհվածների թվում հիմնականում անձնակազմի անդամներն են: Բռնել հարձակվողներին չի հաջողվել: Երիտասարդ տղամարդիկ փախչել են անմիջապես այն բանից հետո, երբ մոլոտովյան կոկտեյլներ են նետել ռեստորան:

Ոստիկանության տվյալներով՝ հարձակումն իրականացրել է ակումբի նախկին աշխատակիցը, ով վերջերս է հեռացվել է աշխատանքից: