Հայտնի է դարձել ռուսաստանցուն գլխատած ԻՊ-ի դահիճի ինքնությունը. ԶԼՄ-ներ

Ռուսաստանցուն գլխատած «Իսլամական պետության» դահիճը ծնունդով Նոյաբրսկից 28–ամյա Անատոլի Զեմլյանկան է, տեղեկացնում է LifeNews-ը:

ԶԼՄ-ների տվյալներով՝  2013 թ. նա մեկնել է Սիրիա և գտնվում է դաշնային հետախուզման մեջ:

Հիշեցնենք՝ օրերս համացանցում տարածվել էր տեսանյութ, որում ներկայացված է, թե ինչպես է «Իսլամական պետություն» ահաբեկչական խմբավորման անդամներից մեկը մահապատժի ենթարկում ՌԴ քաղաքացի ազգությամբ չեչեն Մագոմեդ Խասիևին, որը մեղադրվում էր լրտեսության համար:

Ավելի վաղ Չեչնիայի նախագահ Ռամզան Կադիրովը հաստատել էր «Իսլամական պետություն» ահաբեկչական խմբավորման հրապարակած տեսանյութի իսկությունը, որում նկարահանվել է «ռուս լրտեսի» սպանությունը։