Զոհերի քանակը կիմանանք, երբ Ադրբեջանը բացի հերթական սառնարանի դուռը

Ադրբեջանական կայքերը համառորեն շարունակում են թաքցնել «Գյունեշլի» ծովային նավթահանքում բռնկված հրդեհի հետևանքով զոհերի ու վիրավորների իրական քանակը՝ ամեն գնով դրանք ձգտելով հասցնել նվազագույնի: Սակայն ծանոթ լինելով Ադրբեջանի լրատվամիջոցների ոճին և ընդհանրապես այդ պետության՝ իրենց դիակները սառնարաններում թաքցնելու և հետո քիչ-քիչ հանելու քաղաքականությանը՝ ավելի հավանական է, որ իրականում զոհերի թիվը տասնյակներով պետք է հաշվել և դրանք դեռ ավելանում են ու կավելանան, քանի որ հրդեհն էլ շարունակվում է:

Նույն տրամաբանությամբ՝ Ադրբեջանը յուրաքանչյուր անգամ իր դիվերսիոն հարձակումների փորձերի արդյունքում՝ հայերից ջարդ ստանալուց հետո, սկզբնական շրջանում թաքցնում է իր տված զոհերի քանակը, սակայն դրան հաջորդող ժամանակահատվածում սկսում է բացել սառնարանի դռները, և հերթով ի հայտ են գալիս իբրև թե տարբեր հանգամանքներում «դժբախտ պատահարներից» զինծառայողների զոհվելու դեպքեր: Բայց դե մենք նման դեպքերում շատ լավ էլ հասկանում ենք, որ այդ զոհերը «թարմ» չեն, այլ ընդամենը սառնարանում սառեցված են:

Նույնը ենթադրում եմ, որ կլինի այս նավթահանքի հրդեհի կամ միգուցե պայթյունի դեպքում՝ տասնյակ, իսկ միգուցե հարյուրի չափ զոհերի մասին դեռ կիմանանք առաջիկայում, երբ հերթական սառնարանի դուռը բացվի:

Կարեն Վարդանյան