Պան Գի Մունն աշխարհում ողջ միջուկային զենքի ոչնչացման կոչ է արել

ՄԱԿ-ի գլխավոր քարտուղար Պան Գի Մունը հանդես է եկել աշխարհում ողջ միջուկային զենքի ոչնչացման կոչով՝ այսօր տեսաուղերձ հղելով Սեուլում բացված Զինաթափման ու չտարածման հարցերով համաժողովին: Այս մասին հայտնում է ՌԻԱ «Նովոստին»:

«Այժմ եկել է մեր ջանքերը ակտիվացնելու ժամանակը՝ ազատելու աշխարհն այդ ամենակործանարար զենքից»,- ասել է Պան Գի Մունը:

Նրա խոսքով՝ «դա ամենակարևոր հանձնարարությունն է տարածաշրջանային և գլոբալ անվտանգության ապահովման համար»: