Դոմոդեդովոյում արտակարգ վայրէջք է կատարել Air India-ի օդանավը՝ կոմայի մեջ ընկած ուղևորի պատճառով

Նյու Յորքից Մումբայի ուղևորվորվող ինքնաթիռն ուղևորներից մեկի վատ ինքնազգացողության պատճառով արտակարգ վայրէջք է կատարել Մոսկվայի Դոմոդեդովո օդանավակայանում, հաղորդում է «Ինտերֆաքս»-ը:

Արտակարգ իրավիճակների ծառայության աղբյուրի տվյալներով՝ դեկտեմբերի 7-ին Մոսկվայի ժամանակով 9:00-ին Air India ավիաընկերության Boeing-777 օդանավի հրամանատարը հաղորդել է ուղևորներից մեկի ինքնազգացողության կտրուկ վատթարացման մասին: Որոշվել է հոսպիտալացնել ուղևորին:

Մինչ վայրէջքն ուղևորը կոմայի մեջ է ընկել: Նրան տեղափոխել են հիվանդանոցի վերակենդանացման բաժանմունք:

Նշվում է, որ ուղեւորը 1981 թվականին ծնված Հնդկաստանի քաղաքացի է: