Թուրքիան ցանկանում է Սիրիայի հետ սահմանին ֆրանս-իտալական SAMP/T զենիթահրթիռային համալիրներ տեղակայել. ԶԼՄ-ներ

Թուրքական Son dakika լրատվական կայքի փոխանցմամբ՝ Թուրքիան ակտիվացրել է ֆրանս-իտալական Eurosam կոնսորցիումի հետ բանակցությունները՝ SAMP/T միջին հեռահարության զենիթահրթիռային համալիրներ գնելու համար: Այս մասին հաղորդում է Aksam թերթը:

Պարբերականը նշում է, որ բանակցություններն արագացվել են այն բանից հետո, ինչ Թուրքիան հրաժարվեց գնել չինական ЗРК HQ-9 զենիթահրթիռային համալիրները: 

Թուրքիայի զինված ուժերի ներկայացուցիչները նախորդ շաբաթ այցելել են Eurosam կոնսորցիում, հետևել են SAMP/T զենիթահրթիռային համալիրների բալիստիկ հրթիռների արձակմանն ու դրական տպավորությունների մասին զեկուցել են երկրի կառավարությանը: