«Ոչ»-ի ճակատի և «Նոր Հայաստան»-ի համատեղ երթն ավարտվեց (տեսանյութ)

20:57

«Ոչ»-ի ճակատի և «Նոր Հայաստան» փրկության ճակատի համատեղ երթը ավարտեց:

Երթն անցավ առանց միջադեպերի, ավարտեց Ազատության հրապարակում: Այս գիշեր ևս «Նոր Հայաստանը» կշարունակի նստացույցը, իսկ դեկտեմբերի 10-ին՝ 13:00-ին, «Նոր Հայաստան»-ը կմիանա ՀԱԿ-ի կողմից ամեն տարի կազմակերպվող մարդու իրավունքների պաշտպանության երթին: Հաջորդ օրը ժամը 15:00-ին հանրահավաք է հրավիրել «Նոր Հայաստան»-ը և նույնպես «Ոչ»-ի ճակատին հրավիրել է միանալ իրենց:

19.47

Մեկնարկել է ՀԱԿ, ՀԺԿ և «Նոր Հայաստան» շարժման համատեղ երթը:

19.34

Իրականում այս հանրաքվեին մասնակցել է 800 000 մարդ, որից 600 000-ը քվեարկել է «ոչ». այս մասին Ազատության հրապարակում հայտարարեց Լևոն Զուրաբյանը:

«Երբ բացվեցին քվեատուփերն, իշխանությունները սփրթնեցին. մեկի հետ ինֆարկտ է կատարվում, մյուսի փորն է սկսում ցավալ: Իրականում այս հանրաքվեին մասնակցել է 800 հազար մարդ, որոնցից 600 հազարը քվեարկել են «ոչ», 200 հազարը՝ այո»,- ասաց նա:

19.28

«Դեկտեմբերի 6-ի հանրաքվեն անցավ զանգվածային խախտումներով։ Գործի դրվեց կեղծիքների ողջ զինանոցը, հանրաքվեն ցույց տվեց, որ այս իշխանությունը և արդար ընտրությունները անհամատեղելի են»,- Ազատության հրապարակում տեղի ունեցող հանրահավաքին ասաց ՀԺԿ նախագահ Ստեփան Դեմիրճյանը:

19.19

.«Մեր ոգին, մեր դուխը մեր գործից պետք է երևա: Մենք միասին կազմելու ենք Նոր Հայաստանի սահմանադրական իշխանությունը: Եթե այսօր «Ոչ»-ի շտաբն կորոշի երթ կազմակերպել, մենք կողք-կողքի կմասնակցենք միացյալ երթին»,- Ազատության հրապարակում հայտարարեց Րաֆֆի Հովհաննիսյանը և դիմելով Սերժ Սարգսյանին կոչ արեց նրան հրաժարական տալ:

19.05

«Չենք անցկացնի» նախաձեռնության ներկայացուցիչ Արշակ Մուսախանյանն Ազատության հրապարակում հանրահավաքի ժամանակ ասաց, որ ակնհայտորեն «ոչ»-ը հաղթել է:

Նրա գնահատմամբ՝ այլևս որևէ բան մեր քաղաքացիներին չի վախեցնում, չի ընկճում և մեր քաղաքացիները քվեարկում են այնպես՝ ինչպես ուզում են:

18.34

Ելույթով հանդես եկավ Արամ Մանուկյանը, վերջինս նշեց, որ երեկ Հայաստանի ժողովուրդը ցույց տվեց, որ ոչ մի արգելք, սպառնալիք, կաշառք ու խոչընդոտ, ոչ մի ահաբեկում իր կամքի վրա ազդել չի կարող:

«Այս հաղթանակը մնալու է Սերժ Սարգսյանի կոկորդին, հարամելու ենք: Ապրեք, որ այսպես նամուսով կանգնել եք, անկոտրում պահել ձեր ձայները, շնորհակալ եմ ժողովուրդ, ապրեք»,- ասաց Մանուկյանը: