Հայրիկյանը նոր «չեկիստների» հայտնաբերեց

«Նոր Հայաստանի» շարժման տապալումից անմիջապես հետո ԱԻՄ առաջնորդ Պարույր Հայրիկյանը հանդես է եկել հայտարարությամբ, որում ասել է, թե ինքը «հարթակում կանգնած ողորմելիների հետ այլևս ճանապարհ չունի անցնելու»: Եթե նման բան ասեր մի քաղաքական գործիչ, քաղաքական ուժի լիդեր, որն ունի բարձր վարկանիշ, ռեսուրսներ, համակիրների հոծ զանգված և ինքն իր քաղաքական ուժով կարող է քաղաքական դաշտում եղանակ ստեղծել՝ դա հասկանալի կլիներ: Բայց տվյալ դեպքում մենք գործ ունենք վաղուց արդեն սպառված մի գործչի հետ, ով լավագույն դեպքում մեկ տասնյակից մի քիչ ավելի մարդ է կարողանում իր շուրջը հավաքել: Եվ հիմա հետաքրքիր է՝ որպես «չեկիստներ» պիտակավորելով նրանց, ում հետ դեռ օրեր առաջ նույն հարթակում կանգնած էր, ինչպե՞ս է պատկերացնում իր հետագա «պայքարը», ընդամենը իր մի քանի համակիրներո՞վ:

Անշուշտ, արդարության համար պետք է ասեմ, որ միասնական ընդդիմություն չստեղծելու մասին՝ Հայրիկյանի մեղադրանքներն էլ տեղին են, բայց ինչպե՞ս պետք է ստեղծվի այդ միասնական ընդդիմությունը, երբ նրանցից յուրաքանչյուրը մյուսին մեղադրում է, պիտակավորում և քաշվում մի կողմ:

Կարեն Վարդանյան