ԿԺԴՀ-ն ջրածնային ռումբ ունի. Կիմ Չեն Ին

Հյուսիսային Կորեայի առաջնորդ Կիմ Չեն Ինը հայտնել է, որ իր երկրում առկա են ջրածնային ռումբ ստեղծելու տեխնոլոգիաներ: Նա խոստացել է նաև անհրաժեշտության դեպքում զենք օգտագործել:

«Երկիրը կարողացել է հզոր միջուկային տերություն դառնալ, որը պատրաստ է սեփական արտադրության ատոմային և ջրածնային ռումբեր փորձարկել՝  իր ինքնիշխանության և ազգային արժանապատվության ապահով պաշտպանության նպատակով», - մեջբերում է Nikkei գործակալությունը:

Հյուսիսային Կորեայի առաջնորդը խոստացել է շարունակել քաղաքականությունը՝  ուղղված երկրի ռազմական իշխանության ուժեղացմանը՝ այլ երկրների սադրանքները կանխելու համար: