Չմիացավ, որպեսզի թաղային հեղինակությունների «հրաժարականը» պահանջի

«Ժառանգության» առաջնորդ Րաֆֆի Հովհաննիսյանը, ով այս օրերին խիստ զբաղված է «թաղային հեղինակությունների» «հրաժարականները» պահանջելով, մերժել է ՀԱԿ-ի առաջարկը՝ միանալու Սահմանադրական դատարան դիմելու իրենց նախաձեռնությանը: Իր մերժումը Րաֆֆի Հովհաննիսյանը հիմնավորել է նրանով, որ ՀԱԿ-ը ուզում է մենաշնորհ ստեղծել ընդդիմադիր դաշտում և «Ոչ»-ի պայքարը իրենով անել: Առաջին հայացքից, տրամաբանական մոտեցում է՝ իսկապես ՀԱԿ-ի գործունեության մեջ միշտ էլ նման միտում զգացվել է: Բայց նաև հարց է առաջանում, իսկ Րաֆֆի Հովհաննիսյանն ինքը չի՞ ձգտում ընդդիմադիր դաշտի լիդեր դառնալ, այն դեպքում, երբ ոչ լիդերին բնորոշ որևէ հատկանիշ ունի, ոչ էլ ծրագիր ու ասելիք, որովհետև նախագահից սկսած մինչև թաղային հեղինակությունների հրաժարականներ պահանջելը դա ասելիք չէ, այլ ընդդիմադիր դաշտը երգիծական թատրոնի վերածելու փորձ:

Իսկ դեռ ոչ հեռավոր անցյալում նույն Րաֆֆի Հովհաննիսյանը՝ խոսելով արմատական ընդդիմության մասին, պնդում էր, որ իրենք միասնական են և իրենց պայքարը հասնելու է արդյունքի: Արդյունքը, փաստորեն, թաղային հեղինակություններ «հրաժարականները» պահանջելն է:

Կարեն Վարդանյան