ԲՀԿ-ՀՀԿ ծեծկռտո՞ւք. Ոստիկանությունը հաստատում է միջադեպի մասին լուրը
Իրավունք
Ըստ լրատվամիջոցներից մեկի տեղեկությունների Բասեն գյուղի գյուղապետ Համլետ Պետրոսյանի և մի խումբ գյուղացիների միջև վիճաբանություն է տեղի ունեցել, որն ավարտվել է ծեծկռտուքով: Հիմնական ծեծի ենթարկվողը եղել է գյուղապետը: Նույն աղբյուրի փոխանցմամբ հավաքված գյուղացիներից մեկի Կամո Հովհաննիսյանի և գյուղապետի հարաբերությունները վաղուց են լարված եղել քաղաքական պատճառներով: Բանն այն է, որ Կամո Հովհաննիսյանը ԲՀԿ-ական է, իսկ գյուղապետը՝ ՀՀԿ-ական, և նրանք քաղաքական հին վեճ են ունեցել:
Այսօր ՀՀ ոստիկանությունից Լուրեր.com-ին հայտնեցին, որ ապրիլի 29-ին, ժամը 12.00-ին, Բասեն գյուղի գյուղապետ Համլետ Պետրոսյանը դիմել է ոստիկանության Ախուրյանի բաժին, որ նախորդ օրը երեկոյան, ժամը 19.00-ի սահմաններում, համագյուղացի Սասուն Ս.-ն իրեն դուրս է կանչել տնից և համագյուղացի Ռաֆիկ Ա.-ի կողմից փակված և համայնքային սեփականություն հանդիսացող գյուղամիջյան ճանապարհը բացելու նպատակով միասին գնացել են ճանապարհի մոտ, որտեղ վիճաբանություն է առաջացել Ռաֆիկ Ա.-ի և Կամո Հ.-ի միջև:
Գյուղապետը միջամտել և փորձել է հարթել միջադեպը, սակայն այդ ընթացքում Կամո Հ.-ն բռունցքով մի քանի անգամ հարվածել է նրան և պատճառել մարմնական վնասվածքներ:
Համլետ Պետրոսյանին տրվել է դատաբժշկի ուղեգիր: Կամո Հ.-ն ստորագրությամբ բաց է թողնվել: Կատարվում է հետաքննություն:
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
