Ո՞ւր էին այդ վերաբերմունքին համահունչ հայտարարությունները նախկինում, երբ Հայաստանը դեռ ԵՏՄ անդամ չէր

Նայելով Հայաստանի արևմտամետ քաղաքական գործիչների արձագանքներին օրերս Հայաստանում ԱՄՆ դեսպանատան արած հայտարարությանը՝ տպավորություն է ստեղծվում, որ ոմանք միգուցե ուրախացել են, որ հանրաքվեն անց է կացվել կեղծիքներով, և ԱՄՆ-ն հնարավորություն է ստացել միջամտել Հայաստանի ներքին գործերին: Չնայած եթե խոսենք միջամտության մասին, ապա այդ միջամտության հնարավորությունը դեսպանատունն ունեցել է նաև նախորդ կեղծված ընտրությունների ժամանակ, սակայն այն ժամանակ քննադատության փոխարեն հնչեցրել է հիացական գնահատականներ:

Եվ հիմա «Ազատ դեմոկրատներ» կուսակցության նախագահ Խաչատուր Քոքոբելյանն է եռանդով անդրադառնում այդ հայտարարությանը՝ համարելով դա համահունչ Հայաստանի նկատմամբ ԱՄՆ վերաբերմունքին: Թե այդ որ վերաբերմունքն է Հայաստանի նկատմամբ Թուրքիայի դաշնակից ԱՄՆ-ի կողմից, որ Քոքոբելյանն այդքան կարևորում է՝ անհասկանալի է, և անհասկանալի է նաև, թե ուր էին այդ վերաբերմունքին համահունչ հայտարարությունները նախկինում, երբ Հայաստանը դեռ ԵՏՄ անդամ չէր:

Լավ է, իհարկե, որ քաղաքական գործիչները մտահոգված են երկրում օրինականության հաստատմամբ, խախտումների ու կեղծիքների դեմ պայքարով, բայց մի՞թե հնարավոր չէ դա անել առանց օտարի նկատմամբ հիացմունք արտահայտելու:

Կարեն Վարդանյան