Հայտնի են Լողի հայկական դաշնության գավաթի հաղթողները
Սպորտ
Դավիթ Համբարձումյանի անվան լողավազանում ավարտվել է Լողի հայկական դաշնության գավաթի խաղարկությունը: Գավաթակիրներ դարձան Վլադիմիր Մամիկոնյանը և Մոնիկա Վասիլյանը: Պատվո հարթակի երկրորդ աստիճանին կանգնեցին Անի Պողոսյանը և Արամ Կոստանյանը: Լավագույն եռյակը եզրափակեցին Արթուր Անտոնյանը և Վարսենիկ Մանուչարյանը: Այս մասին տեղեկացնում է ՀԱՕԿ լրատվության բաժինը:
«Լողի հայկական դաշնության գավաթի խաղարկությանը մասնակցում են Հայաստանի լավագույն լողորդները: Սա տարեվերջյան վերջին մրցումն է: Արդյունքներից դժգոհ չեմ: Մենք սպասելիքներ ունեինք Վահան Մխիթարյանից, ով 100 մետր ազատ ոճում զիջեց Վլադիմիր Մամիկոնյանին, հույս ունենք, որ նա շատ շուտով կվերադառնա իր լավագույն մարզավիճակին: Վահանը, մեկը մյուսի հետևից շատ առաջնությունների է մասնակցել. դա եղավ այսօրվա արդյունքների պատճառը: 2016 թվականը կսկսենք ուսումնամարզական հավաքով' Ծաղկաձորում, որն ուղղված կլինի ընդհանուր ֆիզիկական պատրաստվածությանը»,- ՀԱՕԿ լրատվականի հետ զրույցում նշեց լողի Հայաստանի հավաքականի գլխավոր մարզիչ Միսակ Գաբրիելյանը:
Լողի հայկական դաշնության գավաթի խաղարկությունը կայացել է դեկտեմբերի 18-19-ը Երևանում: Մասնակցել են Երևանի, Գյումրիի և Վանաձորի մարզադպրոցների 80 լողորդ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
