«Առավոտ». Անանաս ծախե՞մ, թե՞ դպրոց գնամ

«Առավոտ» թերթը գրում է.

««Էժան անանասներ, գնեք էժան անանասներ». երեկ 7-8 տարեկան երեխան «Սուրմալուի» և «Փեթակի» մոտ անցորդներին խնդրում էր, որ իրենից ընդամենը 2000 դրամով անանաս գնեն: Նա փորձառու առևտրականի հմտությամբ բանակցում էր գնորդների հետ, համոզում, խնդրում: Ցրտից մատները կարմրել էին, ճաքել:

9-ամյա Վազգենն էլ Մալաթիայի շուկայում էր խնդրում, որ իրենից կիլոգրամը 550 դրամով նարինջ գնեն, վերջանա, գնա տուն:

Այդ երեխաներն այդ ժամին պետք է դպրոցում լինեին կամ տանը՝ տնային աշխատանքներ կատարելիս, որովհետև ուսումնական տարին դեռ չի ավարտվել: Բայց շատ երեխաներ մեր երկրում այլ խնդիրներ ունեն լուծելու, առջևում էլ Նոր տարին է»:

Մանրամասն՝ թերթի այսօրվա համարում