Սկանդալ՝ Ադրբեջանի ծանրամարտի հավաքականում. մարզիկները կարող են ցմահ որակազրկվել

Ադրբեջանի ծանրամարտի հավաքականը սկանդալի կենտրոնում է հայտնվել:

Հավաքականը Ռիոյի Օլիմպիական խաղերին մասնակցելու հնարավորությունից կարող է զրկվել մարզիկների կողմից խթանիչ օգտագործելու պատճառով: Այս մասին տեղեկացնում է Haqqin.az-ը:

Ադրբեջանցի ծանրամատիկներ Վալենտին Խրիստովի, Էլհան Ալիգուլուզադեի, Սիլվիա Անգելովայի, Ինթիգամ Զաիրովի և Դադաշ Դադաշբեյլիի Ֆիրուդին Գուլիևի՝ խթանիչ օգտագործելու վերաբերյալ իրականացված հետազոտության արդյունքները դրական են եղել:

A թեստի դրական արդյունքներից հետո կանցկացվի նաև B թեստ, և եթե դրա արդյունքները ևս լինեն դրական, ապա մարզիկները ցմահ կորակազրկվեն և չեն մասնակցի 2016 թվականի Օլիմպիական խաղերին: