«Ռուսաֆոբ-ասադաֆոբների» մոտ առաջընթաց կա

ՌԴ օդուժի և Բաշար Ասադի զորքերի հարվածների հետևանքով Սիրիայում 45 ահաբեկիչ է սպանվել, այդ թվում՝ Սիրիայի ընդդիմադիրներ առաջնորդներից Զահրան Ալուշը, որը նաև «Իսլամական պետության» հիմնադիրներից էր համարվում, միաժամանակ նա Սիրիայի ընդդիմություն կոչվող խաժամուժի պարագլուխներից էր, որn ակտիվ պայքար էր մղում նախագահ Բաշար Ասադի դեմ:

Ինչպես և սպասելի էր, տարբեր երկրների կողմից արձագանքը տարբեր եղավ: Օրինակ՝ ուկրաինական լրատվամիջոցներում լուրը ներկայացվում է կարծես թե Ռուսաստանի հանդեպ մեղադրական շեշտադրությամբ, սպանված ահաբեկիչը ներկայացվում է զոհի կարգավիճակով, իսկ նրա գլխավորած «Իսլամի բանակ» կազմակերպությունը ներկայացվում է որպես «բռնակալ» Ասադի դեմ «պայքարող» ուժ, որին Սիրիայի իշխանությունները համարում են ահաբեկչական:

«Ասադաֆոբներ» կան նաև հայ իրականության մեջ, և սպասելի էր, որ նման արձագանքներ կլինեն նաև մի շարք հայ արևմտամետ-ռուսաֆոբ-ասադաֆոբների կողմից: Վերջապես, սպանվել է Սիրիայի ընդդիմության պարագլուխներից մեկը, իսկ Սիրիայի ընդդիմությունն, ըստ հայ «ասադաֆոբների», պայքարում է հանուն «դեմոկրատիայի»: Բայց հուրախություն և ի զարման ինձ՝ պետք է ասեմ, որ այս անգամ հայերի կողմից առայժմ ոչ մի նման ոչ ադեկվատ գնահատական չի հնչել: Փաստորեն, առաջընթաց կա:

Կարեն Վարդանյան