«Բարսելոնայի» ղեկավարությունը չի ցանկացել պատանի ֆուտբոլիստներին թույլատրել նկարվել Ռաուլի հետ (լուսանկար)

«Բարսելոնայի» պատանեկան թիմի (U-12) ղեկավարությունը չի ցանկացել ֆուտբոլիստներին թույլատրել նկարվել  «Ռեալի» նախկին ֆուտբոլիստ Ռաուլի հետ:

Պատանի ֆուտբոլիստները Մայամիում մասնակցում են միջազգային La Liga Promises մրցաշարին:

Ինչպես տեղեկացնում է  Cadena SER-ը ֆուտբոլիտները ուրախ են եղել Ռաուլի այցի համար, ով մրցաշարին հյուրընկալվել է որպես դեսպան: Կատալոնացիների ղեկավարությունը, սակայն հրաժարվել է «Ռեալի» լեգենդի հետ խմբակային նկարվելուց, նշելով  որ ֆուտբոլիստները հոգնած են:

Իսպանիայի պրոֆեսիոնալ լիգայի նախագահ Խավյեր Տեբասը այս հարցի վերաբերյալ իր դժգոհությունն է հայտնել կատալոնացիների ղեկավարությանը:

Արդյունքում խմբակային լուսանկարը ի վերջո արվել է: