Այլևս կասկածներ մնու՞մ են, թե ով է հովանավորում ահաբեկչությունը Մերձավոր Արևելքում

ԱՄՆ Պետդեպի ներկայացուցիչների մտավոր մառազմը կամ էլ լկտիությունը այլևս նույնիսկ զարմանալու տեղ չեն թողնում: Ի՜նչ աստիճանի մարդ պետք է անմեղսունակ լինի, որ բացեիբաց հայտարարի, թե «Ջեյշ ալ-Իսլամ» խմբավորման պարագլուխ Զարհրան Ալուշի ոչնչացումը կարող է բարդացնել հրադադարի և Սիրիայում քաղաքական կարգավորման հասնելու ջանքերը: Այս մասին ոչ ավել ոչ պակաս՝ ԱՄՆ Պետդեպի ներկայացուցիչ Մարկ Թոներն է հայտարարել:

Այսինքն՝ առավել քան պարզ ասվում է, որ ահաբեկիչների պարագլխի ոչնչացումն իրենց ձեռնտու չէր, որովհետև ստացվում է, որ նաև նրա միջոցով էր ԱՄՆ ղեկավարությունը պատրաստվում «կարգավորում» անել տվյալ տարածաշրջանում: Հասկանալի է արդեն, թե ինչ «կարգավորման» մասին է խոսքը, նաև պարզ է, թե այդ ինչ «դեմոկրատիա» էին նրանք ուզում բերել Սիրիա, «դեմոկրատիա», որը տարածվում է իսլամիստ ահաբեկիչների օգնությամբ:

Այլևս կասկածներ մնու՞մ են, թե ով է հովանավորում ահաբեկչությունը Մերձավոր Արևելքում:

Կարեն Վարդանյան