Ցավոք, Համլետ Հարությունյանը միակը չէ...

«Քաղաքական գործիչների մեծ մասը կապիկներ են, էդ մի բնագավառ է, որտեղ կապիկություն անելն անհրաժեշտ է... Ինչքան ասես՝ կապիկություն անող կա՝ և՛ իշխանության, և՛ ընդդիմության մեջ: Կապիկը հո մենակ ընդդիմության մե՞ջ չի լինում...»:

Այսինքն, նաև իշխանության մեջ էլ է լինում, սակայն ես նման բան չասացի ոչ իշխանության, ոչ էլ ընդդիմության մասին: Նման բան ասել է հենց իշխանության ներկայացուցիչը՝ ՀՀԿ-ական պատգամավոր Համլետ Հարությունյանը: Ոմանք սա մեկնաբանեցին որպես լեզվի սայթաքում, ոմանք՝ անկեղծություն, ոմանք՝ նոր «հանճարեղ ասույթ» կամ «մտքի գոհար», իսկ ինձ առավել մտահոգեց, որ (անկախ նրանից՝ կատակով, թե լուրջ) քաղաքականության մասին նման կարծիք է հայտնում քաղաքականությամբ զբաղվողը, ավելին՝ իշխող կուսակցության ներկայացուցիչը: Եթե մարդը քաղաքականությունը համարում է կապիկություն, ապա նա առնվազն տեղ չպետք է ունենա այդ ոլորտում, քանի որ չի կարող լուրջ վերաբերվել իր գործին: Ցավոք, Համլետ Հարությունյանն այսօր միակը չէ, ով քաղաքականության մեջ է և նման վերաբերմունք ունի քաղաքականության նկատմամբ:

Կարեն Վարդանյան