ՌԴ-ում մարմնավաճառ դաստիարակչուհին ցանկանում է շարունակել աշխատել մանկապարտեզում (լուսանկարներ)

Կալինինգրադի մարզից Նաստյա Մոնպասյե մականունով՝ մանկապարտեզի նախկին դաստիարակչուհին, ով հայտնի է դարձել համացանցում հայտնված ինտիմ տեսարաններով սկանդալային տեսանյութից հետո, հուսով է, որ շուտով կկարողանա վերադառնալ մանկապարտեզում աշխատանքի: Այդ մասին նա հայտարարել է LifeNews-ին տված հարցազրույցում:

«Ես, իրոք, ցանկանում են շարունակել աշխատել մանկապարտեզում: Շատ եմ սիրում այս գործը, այն ինձ դուր է գալիս: Շատ մտահոգված եմ, թե ինչպես կդասավորվեն հետագա հարաբերություններն աշխատակիցների հետ»,- նշել է նա:

Նաստյան հայտնել է, որ տեսանյութն, ամենայն հավանականությամբ, նկարահանվել է մերժված երկրպագուի նախաձեռնությամբ: Վերջինս, իբրև մերժումից հետո սկսել էր պահանջել, որ աղջիկն իրեն վերադարձնի այն գումարը, որը ծախսել էր սիրահետելու համար: Անաստասիան կարծում է, որ տղան, որի հետ նա տեսագրությունում ժամանակ է անցկացնում, այդ երկրպագուի ծանոթն է եղել:

Նրա դատապաշտպան Անտոն Սամոխայի խոսքով՝ չկայացած երկրպագուն սպառնացել էր աղջկան՝ ասելով, որ ոստիկանությանը կհանձնի: Աղջիկն էլ պատմել է, որ ինչ-որ մեկը ճանկռել էր իր մեքենան ու շաքար լցրել բենզինի բակի մեջ, ինչի հետևանքով շարքից դուրս էր եկել նրա շարժիչը: Հիմա Նաստյան մտադիր է քրեական պատասխանատվության կանչել երկրպագուին երկու հոդվածներով՝ դրամաշորթության ու անձնական անձեռնմխելիությունը խախտելու համար: