Ինքնասպանություն՝ Երևանում

Այսօր՝ ժամը 11-ի սահմաններում Կիևյան կամրջից մոտ 45-50 տարեկան տղամարդ ինքնասպանության նպատակով իրեն կամրջից ցած է նետել, հաղորդում է լրատվամիջոցներից մեկը: 

Նշենք, սակայն, որ Լուրեր.com-ի հետ զրույցում ՀՀ ոստիկանության հերթապահ մասից հերքեցին այս լուրը` նշելով, որ իրենք դեռ նման հաղորդագրություն չեն ստացել:

Ավելացնենք նաև, որ ֆոտոլրագրող Գագիկ Շամշյանը լրատվամիջոցներից մեկին հայտնել է, որ ժամանել են ՀՀ Արտակարգ իրավիճակների նախարարության փրկարար ծառայության և Ոստիկանության, ինչպես նաև 1-03 ծառայության աշխատակիցները, Ոստիկանության Մաշտոցի բաժնի օպերատիվ խումբը՝ բաժնի պետի օպեր գծով տեղակալ Արմեն Գասպարյանի գլխավորությամբ։ Տեղում է նաև Ոստիկանության գլխավոր քննչական վարչության Մաշտոցի քննչական բաժնի քննիչը։ Գ. Շամշյանը հայտնում է, որ ինքնասպան եղած քաղաքացու հագուստի մեջ հայտնաբերվել է Նորայր Միքայելյան անվամբ փաստաբանի վկայական, ինչպես նաև հայտնաբերվել է նամակ–երկտող, որտեղ գրված է. «Իմ այս քայլից հետո խնդրում եմ ինձ ներեք»։

Այն ուղղված է իր հարազատներին։ Քննիչի կողմից փաստաբանի վկայականն ու հայտնաբերված նամակ–երկտողը առգրավվել է, և արդեն քննիչի որոշմամբ նշանակվել են մի շարք փորձաքննություններ՝ այդ թվում՝ ձեռագրաբանական։