Թուրքիան պատրաստ է պատերազմ հայտարարել Ռուսաստանին. ԶԼՄ-ներ

Թուրքիայի իշխանություններն ընդհանուր ռազմական մոբիլիզացիա են հայտարարել երկրում: Այդ մասին Facebook սոցիալական ցանցում գրել է բնիկ մի ադրբեջանցի, այժմ՝ Թուրքիայի քաղաքացի՝ Ռաշադ Մամանովը: Նա հայտարարել է, որ պահեստազորի լեյտենանտ է: Տղամարդը ծանուցագիր է ստացել, որը տեղեկացնում է նրան՝ զինկոմիսարիատ գնալու անհրաժեշտության մասին:

Այդ կապակցությամբ՝ Մամանովը հայրենասիրական ելույթով է հանդես եկել, որում նա անիծել է Ռուսաստանին՝ անվանելով այն պատերազմն աջակցող երկիր:

«Բարեկամներ, մեզ մոտ համազգային ռազմական մոբիլիզացիա է հայտարարվել: Այսօր ես ծանուցագիր եմ ստացել Տրապիզոն քաղաքի զինվորական կոմիսարիատից: Ինձ՝ որպես պահեստի սպայի, կանչում են ռազմական հավաքագրման», - գրել է նա:

Միևնույն ժամանակ, Թուրքիայի քաղաքացին թուրք ժողովուրդի գովքն է արել, որն իր պատմության ամբողջ ընթացքում պայքարում և ոչնչացնում է «մեծ կայսրություները», տեղեկացնում է «Ռուսկայա վեսնա» պորտալը:

«Կեցցե՜ Թուրքիան և փառք թուրք ժողովրդին: Մեր պատմության ամբողջ ընթացքում մենք պայքարել ենք: Մենք ոչնչացրել ենք երկրորդ Հռոմեական կայսրությունը, մենք ծնկի ենք իջեցրել Բյուզանդիային, աշխարհի երեսից ջնջել ենք Արաբական խալիֆայությունը: Ռուսաստանին էլ կոչնչացնենք: Փառք թուրքերին», - գրել է նա:

Մի քանի ժամ անց Մամանովը ջնջել է իր գրառումը, իսկ պրոֆիլը՝ փակել: Սակայն, պարբերականի լրագրողները հասցրել են սքրինշոթ անել: