Կիմ Չեն Ընը հանձնարարել է շարունակել արբանյակների արձակումները
Աշխարհ
ԿԺԴՀ-ի առաջնորդ Կիմ Չեն Ընը խնդիր է դրել շարունակել արհեստական արբանյակների արձակումները՝ չնայած մյուս պետությունների կողմից պատժամիջոցների սպառնալիքին, որոնք ձգտում են հասնել Փհենյանի միջուկային և հրթիռային ծրագրերի դադարեցման: Այդ մասին, ինչպես տեղեկացնում է «Արմենպրես»-ը, փետրվարի 15-ին հաղորդել է «Ռյոնհապ» գործակալությունը:
Փետրվարի 7-ին ԿԺԴՀ-ում արձակված տանող հրթիռն ուղեծիր է դուրս բերել «Քվանմյոնսոն-4» արհեստական արբանյակը. հարևան երկրները դա ընկալել են որպես միջմայրցամաքային բալիստիկ հրթիռի փորձարկում:
«Անհրաժեշտ է ամբողջությամբ առաջ մղել գիտահետազոտական աշխատանքը, որպեսզի հասնենք ավելի բարձր նպատակների՝ օգտագործելով այսօրվա մեծ հաջողությունը, և էլ ավելի շատ արձակել աշխատանքային արբանյակներ»,- մեջբերում է անում գործակալությունը Կիմ Չեն Ընի խոսքից, որը նա ասել է արբանյակի վերջին արձակման առթիվ կայացած ընդունելության ժամանակ:
Ընդունելությանը ներկա էին Կիմ Չեն Ընը և նրա տիկինը՝ Լի Սոլ Չժուն, կուսակցական և պետական բարձրաստիճան անձինք, ինչպես նաև բոլոր նրանք, ովքեր առնչություն են ունեցել արբանյակով հրթիռի արձակմանը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
