Թեյլոր Սվիֆթը «Գրեմմի» իր ելույթում ակնարկել է Քանյե Ուեսթին
Գիտություն և Մշակույթ
Երգչուհի Թեյլոր Սվիֆթը «Գրեմմիի» իր ելույթում ակնարկել է Քանյե Ուեսթիի հետ կատարված պատմությունը: «Արմենպրես»-ի փոխանցմամբ` այս մասին նշել է The Huffington Post-ը:
Քանյե Ուեսթն ավելի վաղ նշել էր, որ ինքն է Սվիֆթին հայտնի դարձրել, ինչպես նաև հնչեցրել էր անվայելուչ մակդիր:
Իր ելույթում Սվիֆթը նշել է, որ առաջին կինն է, որ երկու անգամ է հաղթել «Տարվա լավագույն ալբոմ» անվանակարգում: Նա երիտասարդ աղջիկներին ասել է, որ նրանց կյանքի ճանապարհին միշտ էլ կհանդիպեն մարդիկ, ովքեր կխանգարեն, կնախանձեն նրանց հաջողությանը ու դժգոհ կլինեն նրանց փառքից:
Սվիֆթը խորհուրդ է տվել կենտրոնանալ սեփական աշխատանքի վրա և թույլ չտալ, որ նման մարդիկ խանգարեն իրենց: «Դուք կշրջվեք և կհասկանաք, որ հասել եք ամենին ձեր և ձեզ սիրողների շնորհիվ: Եվ դա կլինի աշխարհի մեծագույն զգացումը»,- ասել է երգչուհին: Ենթադրվում է, որ նա նկատի ունեցել նաև Ուեսթին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
