Էրդողանը ակտիվ պայքար է սկսում ահաբեկչության դեմ

Անկարայում տեղի ունեցած ահաբեկչական գործողությունից հետո երկրին հղած շտապ դիմումում Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան ակտիվ պայքար է սկսում ահաբեկչության դեմ ինչպես Թուրքիայում, այնպես էլ արտասահմանում:

Ինչպես հաղորդում է «Արմենպրես»-ը, Թուրքիայի նախագահի այդ դիմումը հաղորդել է թուրքական NTV հեռուստաալիքը Անկարայում տեղի ունեցած ահաբեկչությունից հետո:

Էրդողանն Անկարայում ահաբեկչությունը ստորություն է անվանել:

«Մենք հետ չենք կանգնի ահաբեկչության դեմ պայքարի ուղուց և այն կշարունակենք այն, ինչպես Թուրքիայում, այնպես էլ նրա սահմաններից դուրս»,- հայտարարել է Էրդողանը՝ հավելելով, որ զոհերը, որ կրում է Թուրքիան, «լցնում են համբերության բաժակը»:

Անցած գիշեր Անկարայում Թուրքիայի ռազմածովային ուժերի գլխավոր շտաբի շենքի մոտ տեղի ունեցած հզոր պայթյունի հետևանքով 28 մարդ զոհվել, 68 մարդ էլ վիրավորվել են: