Կանադան դադարեցրել է «Իսլամական պետության» ռմբակոծումները

Կանադայի զինված ուժերը դադարեցրել են ավիահարվածներն «Իսլամական պետություն» ծայրահեղական կազմակերպության զինյալների դիրքերին: Այս մասին ասված է երկրի պաշտպանության նախարարության մամուլի տեղեկագրում: Հաղորդագրության մեջ նշվում է, որ ռազմական գործողությունը դադարեցվել է փետրվարի 15-ին, տեղեկացնում է «Արմենպրես»-ը՝ հղում անելով BBC-ին:

Կանադական ինքնաթիռները կմնան տարածաշրջանում, որոնք կշարունակեն հետախուզական թռիչքներ իրականացնել արևմտյան կոալիցիայի կազմում:

Կանադայի ռազմաօդային ուժերն «Իսլամական պետության» դիրքերին սկսել են ավիահարվածներ հասցնել 2014 թվականի հոկտեմբերի 30-ին:

Մեկ տարուց փոքր-ինչ ավելի ժամանակահատվածում կանադական CF-18 կործանիչները կատարել են 1378 մարտական թռիչք, հասցվել է 251 ավիահարված (246-ն Իրաքում և հինգը Սիրիայում):