12/06 տեղամասում ընտրողների անունների բացակայության վերաբերյալ ոստիկանության պարզաբանումը

Համացանցային կայքում հրապարակված տեղեկության համաձայն, 12/06 ընտրատեղամաս են այցելել Մանթաշյան 28/Ա և Մանթաշյան 53 շենքեր բնակիչները և տեղում պարզել, որ իրենց անունները չկան ընտրացուցակներում:

ՀՀ ոստիկանությունը պարզաբանում է.
ՀՀ ընտրական օրենսգրքի 16-րդ հոդվածի 1-ին մասի համաձայն, համայնքի ղեկավարը քվեարկության օրվանից ոչ ուշ, քան 43 օր առաջ սահմանում է տեղամասային կենտրոն:

ՀՀ ընտրական օրենսգրքի 11-րդ հոդվածի 6-րդ մասի համաձայն, համայնքում մեկից ավելի ընտրական տեղամաս կազմավորվելու դեպքում լիազոր մարմինն ընտրողներին ուղարկում է ծանուցագրեր՝ քվեարկության օրվա, ընտրական տեղամասի համարի, քվեարկության տեղի և ժամանակի մասին, քվեարկության օրվանից ոչ ուշ, քան 3 օր առաջ:

Երևան քաղաքի Մանթաշյան 28/Ա և 53 շենքերը ընդգրկված են Շենգավիթ վարչական շրջանում կազմավորված 12/06 ընտրական տեղամասում, որի տեղամասային կենտրոն է սահմանված Գ.Նժդեհի 7 հասցեում գտնվող թիվ 41 մանկապարտեզը: