Ահաբեկիչները Հալեպում զանգվածային ոչնչացման նոր տեխնոլոգիա են կիրառել

Սիրիայում գրոհայինները կիրառել են նոր կործանարար տեխնոլոգիա՝ խաղաղ քաղաքացիների զանգվածային ոչնչացման համար: Այս մասին հայտնում է ren.tv-ն:

Առավել ծանր հարված նրանք հասցրել են Հալեպին. գործի են դրել պայթուցիկով լցոնված գազի բալոններ: Պայթյունների հետևանքով բնակելի շենքեր են ոչնչացվել:

Ռմբակոծությունը տևել է մի քանի ժամ: Զոհերի թվում կա հինգ տղամարդ, 50-ը ծանր վիրավորվել են: Նրանք տեղափոխվել են հիվանդանոց:

Մոտ մեկ շաբաթ է, ինչ ահաբեկիչները գնդակոծում են Հալեպի բնակելի թաղամասերը: Եվ ամեն անգամ մեծացնում են հարձակումների ուժգնությունը: