Ֆրանսիայում ոստիկանական զույգին սպանողի համակարգչում վեց թիրախ են գտել գրոհների համար

Քննիչները, որոնք վարում են Փարիզի արվարձանում երկու ոստիկանների սպանության գործը, մարդասպանի համակարգչում հարձակումների համար վեց հնարավոր թիրախների ցուցակ են հայտնաբերել, տեղեկացնում Է «Արմենպրես»-ը՝ հղում անելով iTele հեռուստաալիքին:

Հեռուստաալիքի տվյալներով՝ ի թիվս այլոց ցուցակում նշվում են հանրային երկու անձինք: Ներկա դրությամբ նրանց անունները չեն նշվում:

Ավելի վաղ հաղորդվել Է, որ Փարիզի արվարձանում երկու ոստիկանների սպանած Լարոսի Աբալան Facebook սոցիալական ցանցի օգնությամբ ուղիղ հեռարձակում Է իրականացրել ողբերգության վայրից: Ինչպես նշում Է BFMTV հեռուստաալիքը, Աբալան օգտագործել Է Facebook Live հավելվածը, որը թույլ Է տալիս տեսագրությունն անձնական Էջում տարածել իրական ժամանակի ռեժիմով: Մասնավորապես, տեսագրության մեջ մարդասպանը ցուցադրել Է իր զոհերին, կեցվածք ընդունել սպանված զույգի երեք տարեկան երեխայի հետ:

Հունիսի լույս 14-ի գիշերը 25-ամյա Լարոսին հարձակվել Է իր հարեւան ոստիկանի վրա ու սպանել նրան՝ դանակի մի քանի հարված հասցնելով որովայնի շրջանում: Դրանից հետո նա պատանդ Է վերցրել նրա կնոջն ու երեխային: Չարագործը ոչնչացվել Է ոստիկանության հատուկ նշանակության ուժերի գործողության ընթացքում: Հարձակման վայրում գտել են ոստիկանի տիկնոջ մարմինը, որը հանցագործի կողմից սպանվել Է սառը զենքով: Նա նույնպես աշխատում Էր ՆԳ նախարարության կառույցում: Տանը գտնվող երեխան՝ երեք տարեկան տղան, չի տուժել:

Հատուկ նշանակության ուժերի կողմից ոչնչացված 25-ամյա Լարոսի Աբալան իրավավապահ մարմիններին հայտնի Էր որպես կողոպուտների ու ահաբեկչական խմբի գործունեության մասնակից, հաղորդել Է ՌԻԱ Նովոստին: