Ռիո 2016. Վլադիմիր Մարգարյանը վնասվածքի պատճառով չկարողացավ շարունակել պայքարը

Ռիո դե Ժանեյրոյում շարունակվում են Օլիմպիական խաղերը: Այսօր Հայաստանի մարզիկներից պայքարի դուրս եկավ նաև բռնցքամարտիկ Վլադիմիր Մարգարյանը:

69 կգ քաշային կարգում մեր մարզիկը 1/8 եզրափակչում է և ուժերը չափեց կուբացի մարզիկի հետ:

Մարգարյանը հոնքի վնասվածք ստացավ առաջին ռաունդում և բժիշկները չթույլատրեցին նրան շարունակել պայքարը: Արդյունքում կուբացի մարզիկը շարունակում է պայքարը:

Հիշեցնենք, որ Մարգարյան 1/16 եզրափակչում հաղթել էր Ֆիջիի ներկայացուցչին: