Daily Mail-ը գրել է միանման կենսակերպ վարող իռլանդացի եռյակ մոդելների մասին
Աշխարհ
Բրիտանական Daily Mail թերթը գրել է Դուբլինում (Իռլանդիա) ապրող եռյակների մասին, որոնք միանման կենսակերպ են վարում: Աղջիկները միասին աշխատում են որպես մոդել և ամեն ինչ անում են իրենց արտաքին նմանությունը պահպանելու համար:
29-ամյա Լաուրա, Նիկոլ և Էլիսոն Քրիմինսներն ապրում են միասին: Աղջիկները նաև այցելում են մարզասրահ, որտեղ կատարում են միանման համալիր վարժություններ, օգտվում նույն կոսմետիկական ծառայություններից: Նրանք նաև միանման են սնվում ու հագնվում: «Որպես մոդելներ մեր աշխատանքի համար շատ կարևոր է, որ մենք բացարձակապես միանման տեսք ունենանք, ուստի ուտում ենք նույն բաները և միասին զբաղվում սպորտով»,-ասել է Էլիսոնը:
Նշվում է, որ իռլանդուհիները մանկուց ժամանակը միշտ միասին են անցկացնում: 16 տարեկանում աղջիկները պարտավորագրեր են ստորագրել մոդելային գործակալության հետ, ինչից հետո միմյանցից անբաժան մասնակցում են ֆոտոսեսիաների, նորաձևության ցուցադրությունների և հեռուստաշոուների:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
