Ձայնային տեխնիկան վերադարձրին «Հիմնադիր խորհրդարանի» անդամներին (ուղիղ միացում)

23:47

Ոստիկանությունը վերադարձրեց «Հիմնադիր խորհրդարանի» անդամներին պատկանող ձայնային տեխնիկան:

Հիշեցնենք, որ այսօր՝ հանրահավաքից հետո, երբ «Հիմնադիր խորհրդարանի» անդամները փորձել են տեղափոխել ձայնային տեխնիկան պատահական տաքսիով, ոստիկանությունը առգրավել է այն: Այնուհետև պարզվեց, որ տեղափոխող մեքենան արդեն մեկ ամիս գտնվում է որոնման մեջ:

23:25

«Հիմնադիր խորհրդարանի» անդամ Վահրամ Պետրոսյանը նշեց, որ այժմ արձանագրություն է կազմվում: Խոստացել են, որ մեքենայի մեջ գտնվող տեխնիկան վերադարձնելու են: Որևէ պարզաբանում ոստիկանության կողմից չի տրվել, թե ինչու են առգրավել տեխնիկան, եթե խնդիրը կապված է միայն մեքենայի հետ:

23:02

ՀՀ ոստիկանության լրատվության և հասարակայնության հետ կապերի վարչության պետ Աշոտ Ահարոնյանը ասաց, որ ավտոմեքենան, որով տեղափոխել են տեխնիկան, եղել է որոնման մեջ, և իրենք պետք է պարզեն՝ արդյոք այդ ձայնային տեխնիկան որևէ կապ ունի ավտոմեքենայի հետ: Միայն պարզաբանումից հետո հնարավոր կլինի տեխնիկան վերադարձնել «Հիմնադիր խորհրդարանի» անդամներին:

Այս պահին առգրավել են Հիմնադիր խորհրդարանին պատկանող ձայնային տեխնիկան: 

Ուղիղ միացումը՝ Ազատություն ռ/կ-ի