Տարեց չինացին իր բոլոր խնայողությունները կտակել է շանը
Աշխարհ
Չինաստանի Հեյլունցզյան հյուսիսարեւելյան նահանգի տարեց բնակիչ Վան Ցզյունուն իր շանը 80 հազար յուան (շուրջ 12 հազար դոլար) է կտակել, որը նա հավաքել էր ողջ կյանքի ընթացքում, տեղեկացնում է China Daily թերթը:
Հարբին քաղաքի 71-ամյա բնակիչը դիմել է տեղի կենդանիների ապաստարանին, հայտարարելով, որ կտակ է գրել եւ մտադիր է ապաստարանին նվիրաբերել 80 հազար յուան գումարի իր խնայողությունները: Նա հույս է հայտնել, որ այդ փողերը որպես «ծերության թոշակ» կօգտագործվեն Էրֆու մականունով իր շան համար: Ինչպես նշում է հրատարակությունը, շունը տարեց մարդու ընտանիքի միակ անդամն է: Որդին զոհվել է ավտովթարից, երբ նա վեց տարեկան էր, իսկ հետո հիվանդությունից մահացել է նաեւ կինը: Վան Ցզյունուն շանն ապաստան է տվել, երբ այն դեռ ձագ էր:
«Վերջին ժամանակներս ես ինձ վատ եմ զգում: Իմ շունը իմ միակ մտահոգությունն է»,-հայտարարել է թոշակառուն: Տարեց մարդը սրտի մի քանի կաթված ու ինսուլտ է տարել եւ ցանկանում է վստահ լինել, որ իր մահից հետո իր շունն արժանավայել կյանք կունենա: Ապաստարանի վարչակազմը համաձայնել է հոգ տանել կենդանուն, բայց հրաժարվել է վերցնել թոշակառուի փողերը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
