Տիգրան Ջրբաշյանը հույս հայտնեց, որ նոր ձեւավորվող կառավարությունը պատրաստ կլինի հարկային բարեփոխումների փաթեթի ավելի խորը քննարկման
Քաղաքական
Հայաստանում Ամերիկայի առևտրի պալատի նախագահ Տիգրան Ջրբաշյանը հույս ունի, որ նոր ձեւավորվող կառավարությունը պատրաստ կլինի հարկային օրենսդրության բարեփոխումների վերաբերյալ առաջարկությունների փաթեթի ավելի խորը քննարկման:
«Հասկացել եմ, որ առնվազն մինչեւ վերջին փոփոխությունները ինչ-որ խնդիրներ կային՝ ներկայացված տարբերակի հետ: Սակայն պարզ էր, որ ժամանակային առումով իրատեսական չէր թվում այն պահին նման փոփոխություններ մտցնել, քանի որ կային որոշակի ժամանակային սահմանափակումներ նոր Հարկային օրենսգրքի ընդունման համար: Կարծում եմ՝ նոր ձեւավորվող կառավարությունն ազատ կլինի այն որոշակի ծանրաբեռնվածություններից, որոնք կրում էր նախորդ կառավարությունը, եւ պատրաստ՝ ավելի խորը քննարկելու օրենսգրքի բովանդակության, ինչպես նաեւ կիրառման հարցը»,-այս մասին լրագրողների հետ զրույցում նշեց Տիգրան Ջրբաշյանը:
Նրա խոսքով՝ այսօր լավ իրավիճակ է ձեւավորվում օրենսգիրքը վերանայելու եւ ընդունելու այնպիսի մի փաստաթուղթ, որն, ըստ նրա, կլինի միտված զարգացմանը:
«Այսօր մենք փորձում ենք ներկայացնել ոչ միայն մեր քննադատական գնահատականներն, այլեւ այլընտրանք»,-եզրափակեց Տիգրան Ջրբաշյանը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
