«Հայֆիլմ»-ը հնարավոր է վերականգնել միայն լուրջ ներդրումների միջոցով

Հայաստանի Հանրապետության մշակույթի նախարար Արմեն Ամիրյանը կարծում է, որ «Հայֆիլմ»-ի գործունեության համար լուրջ ներդրումներ են անհրաժետ: Այդ մասին նա զրուցեց լրագրողների հետ: «Հայֆիլմ»-ն այսօր մասնավորեցման ծրագրում է, քանի որ գտնվում է գույքի կառավարման վարչությունում: Մենք ծրագիր ենք մշակում ներդրումները հաշվելու համար: Ցանկանում ենք իմանալ, թե որքան կարժենա նկարահանման սրահների մասնաշենքը նորոգելը»,-նշեց նախարարը:

Նախարարի խոսքով՝ ինքը թվեր բարձրաձայնել չի կարող, քանի որ հաշվարկման գործընթացը դեռ չի ավարտվել:

Ըստ Արմեն Ամիրյանի՝ սեփական ներդրումներով կամ գործընկեր կազմակերպությունների ուժերով հնարավոր է վերականգնել «Հայֆիլմ»-ը և այնտեղ ինտեգրել կինոարտադրությամբ զբաղվող կինոընկերություններին, այդ թվում պետական կառույցներին կինոմիջավայր ստեղծելու նպատակով: