Պաշտոնյաները կվարձատրվեն այլ կերպ. փոփոխություն օրենքում
Քաղաքական
Կառավարության սեպտեմբերի 7-ի նիստում՝ չզեկուցվող հարցերի շարքում ՀՀ աշխատանքի և սոցիալական հարցերի նախարար Արտեմ Ասատրյանը Կառավարության համաձայնությանն է ներկայացնելու «Պետական պաշտոններ զբաղեցնող անձանց վարձատրության մասին» Հայաստանի Հանրապետության օրենքում լրացում կատարելու մասին» օրենքի նախագիծը, որով առաջարկվում է փոփոխություններ կատարել օրենքում՝ այն համապատասխանեցնելով Հայաստանի Հանրապետության նախագահի աշխատակազմի եւ Հայաստանի Հանրապետության Ազգային ժողովի աշխատակազմի պետական ծառայողների պարգեւատրման ֆոնդի հաշվարկի մեխանիզմներին:
Ըստ նախագծի հիմնավորման՝ այս փոփոխության անհրաժեշտությունը պայմանավորված է Հայաստանի Հանրապետության նախագահի աշխատակազմի, Հայաստանի Հանրապետության կառավարության աշխատակազմի եւ Հայաստանի Հանրապետության Ազգային ժողովի աշխատակազմի պետական ծառայողների պարգեւատրման ֆոնդի հաշվարկի մեխանիզմի նույնական եւ միատեսակ կարգավորմամբ:
Նախագծի ընդունման արդյունքում փոփոխությունների են ենթարկվելու պետական ծառայողների պարգևատրման աղբյուրները, չափերը և կարգը, ներդրվելու է պաշտոնյաների պարգևատրման նոր դրույքաչափ:
Փոփոխության արդյունքում յուրաքանչյուր մարմնի համար պարգևատրման ֆոնդը կազմելու է Հայաստանի Հանրապետության պետական բյուջեով տվյալ մարմնի համար նախատեսված աշխատավարձի տարեկան ֆոնդի առնվազն 10 տոկոսը:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
