Քոչարյանի փաստաբանը՝ «Կոնգրես» հյուրանոցի հետ կապված գործարքի մասին

Այսօր ՀՀ երկրոդ նախագահ Ռոբերտ Քոչարյանի փաստաբանների հրավիրած ասուլիսի ժամանակ անդրադարձ եղավ նաև գաղտնալսման հետ կապված ասուլիսի ժամանակ ԱԱԾ տնօրենի հայտարարությանը, թե Ռոբերտ Քոչարյանը կաշառքով ձեռք է բերել «Կոնգրես» հյուրանոցը։ Փաստաբան Արամ Օրբելյանի կարծիքով՝  այդտեղ որևէ կաշառքի էպիզոդ չկա։

«Ես կցանկանամ երկու հանգամնքի վրա ուշադրություն հրավիրել։ Ամեն անգամ, երբ որևէ խնդիր է առաջանում իրավապահ մարմնի գործունեության մեջ, դրանից շեղելու համար ինչ-որ նոր քրեական գործ է հայտնվում։ Եթե մենք նայում ենք տվյալները, ապա դրանց համաձայն, «Կոնգրես» հյուրանոցը ձեռք է բերվել 2014 թվականին, իսկ այդ ժամանակ Ռոբերտ Քոչարյանը որևէ պետական պաշտոն չի զբաղեցրել արդեն վաղուց, այդ թվում նաև նրա ընտանիքի անդամները վաղուց ինչ-որ պետական պաշտոն չեն զբաղեցրել։ Երբ կլինի գործը, կհասկանանք՝ ինչ է նկատի ունեցել ԱԱԾ տնօրենը։ Բայց այդ գործարքի հետ կապված՝ որևէ կաշառքի էպիզոդ մենք չենք տեսնում»,-հայտարարեց Օրբելյանը՝ հավելելով, որ իրենք ևս զարմացած են արված հայտարարությունից, բայց սպասում են զարգացումներին։