Չինարին գնդակոծվել է․ հայկական կողմը լռեցրել է հակառակորդին

Երեկ Տավուշի մարզի Բերդի տարածաշրջանի Չինարի գյուղում գնադակոծություն է տեղի ուենցել, հայկական կողմը համապատասխան միջոցառումներ է իրականացրել և լռեցրել հակառակորդին։ Այս լուրը ԼՈւՐԵՐ․com-ի հետ զրույցում հաստատեց Բերդ համայնքի վարչական ղեկավար Սամվել Սաղոյանը։

«Երեկ առավոտյան 8։30-ից սկսվել է մեր հենակետերի ուղղությամբ գնդակոծություն՝ մի ժամ տևողությամբ, այնուհետև հենակետերում փոխհրաձգություն է սկսվել․ հայկական կողմը համապատասխան միջոցառումներ է իրականացրել և թշնամուն լռեցրել։ Փոխհրաձգությունը տևել է մինչև 12։30-ը»,-ասաց Սաղոյանը։

Նա նշեց, որ գյուղը գնդակոծությունից խոշոր վնասներ չի կրել։

«Մի երկու տան է կպել։ Մեկի պատերին, մյուսի ջրի բաքն է վնասվել, տանիք է վնասվել։ Խոշոր վնասներ չեն եղել»,-ասաց վարչական ղեկավարը։

Վերջինս նկատեց, ո այս պահին սահմանում լարվածություն կա, բայց կրակոց չկա։

«Ամեն վայրկյան հնարավոր է՝ կրակոցները սկսվեն»,-ավելացրեց Սաղոյանը։