Եկեք որոշենք, որ ում ասում ենք մնա տանը, տանենք 100 հազար դրամ փող տանք. Էդմոն Մարուքյան

Այնպիսի պայմաններ են դրված տեքստիլ ընկերությունների առջեւ, օրինակ, սոցիալական հեռավորության պահպանում, որ նշանակում է՝ դուք չեք կարող աշխատել: Այս մասին ԱԺ-ում հայտարարեց «Լուսավոր Հայաստան» խմբակցության ղեկավար Էդմոն Մարուքյանը:

«Օրինակ, եթե արտակարգ դրությունը տարածվեր ԱԺ-ի վրա մենք էլ չէինք կարողանա այդ հեռավորությունը պահպանել, չէինք կարող 2 մետր իրարից հեռու նստել:

Հիմա հարց է առաջանում, եթե այդ ընկերություններին չի թույլատրվում աշխատել, ուրեմն պետությունը պետք է այդ 2600 ընտանիքներին աջակցի, գնացեք աջակցեք:

Համ ասում եք՝ մի աշխատեք, համ այնպիսի չափանիշներ եք սահմանել, որ աջակցություն իրենց չի հասնում, համ էլ գնում էդ մարդկանց 100 հազար դրամ տուգանում եք: Այսպես չի լինելու: Վաղ թե ուշ ամեն ինչ բացվելու է եւ մենք սովորելու ենք ապրել կոնորավիրուսի պայմաններում: Որքան շուտ հասկանանք եւ քայլեր անենքն, այնքան շուտ կփրկենք տնտեսության մնացորդները»,-ասաց նա:

Մարությանը նշեց, որ մինչեւ հիմա պետությունը չի ասել, թե ՀՆԱ-ի քանի տոկոսն է պատրաստ ծախսել այս մարդկանց տանը մնալու համար: «Մենք հաշվել ենք, 0,84 տոկոս է պատրաստ ծախսել, դա ոչ մի բան է: Եկեք որոշենք, որ ում ասում ենք մնա տանը, տանենք 100 հազար դրամ փող տանք»,- ասաց պատգամավորը: