Ջրի սակագինը անփոփոխ թողնելու «տողատակը»

«Վեոլիա Ջուր» փակ բաժնետիրական ընկերությունը Հանրային ծառայությունները կարգավորող հանձնաժողովին առաջարկել է 2021թ. համար անփոփոխ թողնել խմելու ջրի մատակարարման և ջրահեռացման ծառայությունների մատուցման սակագները. այս մասին ընկերության դիմումը հրապարակված է հանձնաժողովի պաշտոնական կայքում: Դիմումում նշված է, որ հաշվարկի արդյունքում խմելու ջրի մատակարարման և ջրահեռացման մանրածախ ծառայությունների մատուցման սակագների գումարային մեծությունը կազմում է 179.283 դրամ/խմ (ներառյալ ԱԱՀ-ն), որի տարբերությունը 2020թ. գործող սակագնի նկատմամբ կազմում է 0,4%: 2019 թվականին «Վեոլիա Ջուր» -ը դիմել էր ՀԾԿՀ ջրի սակագինը բարձրացնելու հայտով, սակայն մերժվել էր: 

Հայ սպառողի համար բավականին տարօրինակ իրավիճակ է, երբ ընկերությունը ինքն է առաջարկում անփոփոխ թողնել մատուցվող ծառայության գինը և կա տպավորություն, որ այդ քայլին «Վեոլիա ջուր»-ը գնացել է ոչ այնքան հոժարակամ: Դիցուք, շատերն են արդեն մոռացել, որ պատկան մարմինները հեղափոխությունից անմիջապես հետո քրեական գործ էին հարուցել ընկերության մի շարք բարձրաստիճան պաշտոնյաների դեմ: Մասնավորապես նշվում էր, որ 2017-2018 թթ. ընթացքում իրենց մերձավորների անվամբ հիմնադրված ու փաստացի նրանց պատկանող «ԷՄՕՇԻՆ», «ՇԻՆՄԱՍՏԵՐ», «ԳԱՎԱԹ», «ՀՈՐԻԶՈՆ», «ԴԵԼ-ՏԵԼԵԿՈՄ» և այլ ընկերությունների հետ շուկայականից անհամեմատ բարձր գներով «Վեոլիայի» երեք բարձրաստիճան պաշտոնյաներ կնքել են շուրջ 3մլրդ 730մլն դրամի պայմանագրեր ու յուրացրել են  առանձնապես խոշոր չափի գումար։ 

Նիկոլ Փաշինյանը հասկանում է, որ ստեղծված ծանր սոցիալ-տնտեսական իրավիճակում ցանկացած գնաճ առաջին հերթին խփելու է իր իշխանության վարկանիշին՝ էլ ավելի ընդլայնելով հանրային բողոքի ալիքը: Գուցե իշխանությունները հիշեցրե՞լ են «Վեոլիային» վերը նշված քրեական գործի մասին և սպառնացել ընթացք տան ջրված գործին, և նաև դա է պատճառը, որ ընկերությունը դիմել է ՀԾԿՀ-ին՝ ջրի սակագինը անփոփոխ թողնելու առաջարկով… 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան